Lakshya (2004)

Lakshya (2004) 

မြန်မာပြည်ပရိတ်သတ်တွေကြားလက်ပွားမင်းသားရယ်လို့ လူသိများလှတဲ့ ဘောလိ၀ုဒ်မင်းသား Hrithik Roshan နဲ့ Amitabh Bachchan , မင်းသမီးချော Preity Zinta တို့ အဓိက ပါဝင်သရုပ်ဆောင်ထားကြတဲ့ ဒီဇာတ်ကားဟာ War-Drama ဇာတ်ကားအမျိုးအစားဖြစ်ပြီး ၊ ပြသချိန် ၃နာရီကျော် ကြာမြင့်ပါတယ်။

ဇာတ်ကားရဲ့နာမည် Lakshya ဆိုတာ မြန်မာလို

“ရည်ရွယ်ချက် ၊ရည်မှန်းချက်”လို့ အဓိပ္ပာယ်ရပြီး

တိုင်းပြည်အနာဂါတ်အတွက် အရေးပါလှတဲ့ လူငယ်

တွေရဲ့အခန်းကဏ္ဍကိုလူငယ်တစ်ယောက်အကြောင်းနဲ့ ဥပမာထား တင်ပြထားတာပါ။

ကာရန်ရှာဂဲလ်ဆိုတဲ့ လူငယ်တစ်ယောက်ဟာ စီးပွားရေးလုပ်ငန်းရှင်တစ်ယောက်ရဲ့သားဖြစ်ပြီး မိဘကလိုလေသေးမရှိ ဖြည့်ဆည်းပေးထားတဲ့အတွက် ဘ၀ကို ပေါ့ပေါ့ပါးပါးပဲ ဖြတ်သန်းနေသူ ဖြစ်ပါတယ်။

ကျောင်းပြီးသွားရင် သူ့ချစ်သူရိုမီလာအပါအဝင် သူနဲ့ပေါင်းသင်းနေတဲ့ သူငယ်ချင်းတွေကပါ သူတို့ဘ၀တွေအတွက် ဘာလုပ်ကြမယ် ၊ ညာလုပ်ကြမယ်ဆိုပြီး ရည်မှန်းချက်ကိုယ်စီရှိကြပေမယ့် သူ့မှာတော့ ဘာရည်မှန်းချက်မှ မရှိပါဘူး။

ဒီအချိန်မှာပဲ ရည်းစားဖြစ်သူနဲ့ သူတို့ဘ၀ရှေ့ရေးအတွက် တိုင်ပင်ရင်း လူဆိုတာဘ၀မှာရည်မှန်းချက် ရှိသင့်တဲ့အကြောင်းပြောလာလို့ ကာရန်လည်း သူ့သူငယ်ချင်းတစ်ယောက်နဲ့အတူ အိန္ဒိယစစ်တပ်ထဲကို ဝင်ဖို့ ပြင်ဆင်ပါတော့တယ်။

ကံဆိုးချင်တော့ ဝင်ခွင့်လျှောက်လွှာတွေတင်အပြီး လူအရွေးခံရပြီဆိုတော့မှ သူ့သူငယ်ချင်းက အမေရိကားကိုသွားမှာမို့ တပ်ထဲကို မဝင်ဖြစ်တော့ဘူးဆိုတာကို ဖွင့်ပြောလာပါတယ်။

မိဘတွေအရိပ်အောက်မှာတုန်းက ဘာကိုမှလက်ကြောတင်းအောင်မလုပ်ဖူးတဲ့ သကောင့်သား ကာရန်တစ်ယောက် တပ်ထဲကို ရောက်တော့မှ ဒုက္ခတွေ တသီကြီး ရောက်ပြီး ဘာတွေဆက်ဖြစ်လာမလဲဆိုတာကတော့ ကိုယ်တိုင်သာ ခံစားကြည့်ရှု့ရမှာပါ။

အိန္ဒိယတပ်မတော်ရဲ့ ပြည်သူကချစ်တဲ့ စစ်သားတွေရဲ့ဘ၀ ၊ခံယူချက် နဲ့ အထက်အမိန့်အတိုင်း ဆောင်ရွက်ရပုံတွေ တိုင်းပြည်ကို ချစ်တဲ့စိတ်တွေ… တိုင်းပြည်အတွက် အနစ်နာခံပုံတွေကတော့….ပြောလို့တောင် မဆုံးတာမို့…

ဇာတ်ကားထဲမှာ ပါဝင်စီးမြောခံစားရင်း ကြည့်ရှုကြဖို့ တိုက်တွန်းချင်ပါတယ်။

Quality : 1080p WEB Rip and 720p

File Size : 1.9 GB and 1.4GB

Duration : 3h 6mins

Download Link

GDRIVE (1080) /GDRIVE (720)

..... Thank For Watching......